Saturday, January 18, 2014

தவறு

அந்தத் தவறை
யாருக்கும் தெரியாமல்தான்
செய்தேன்

ஆனால்

தெரிந்துவிட்டது
எனக்கு

-ஸ்ரீ சக்திப்ரியன்

துறவு

இருக்கும்போதே உலகை
துறக்கக் கற்றுக்கொள்

இல்லையென்றாலும்
உலகம் உன்னைத்
துறக்கத்தான் போகிறது

-ஸ்ரீ சக்திப்ரியன்

ஓம்

நீ
நான்
நாம்
ஆம்
ஓம்

-ஸ்ரீ சக்திப்ரியன்

உண்மை-காதல்

நேற்று அவளை
இன்று உன்னை
நாளை எவளையோ
உண்மையாக
காதலி...த்தேன்...க்கிறேன்...ப்பேன்
காதல்
காதலில்
உண்மை இருக்கலாம்
இல்லாமலும் இருக்கலாம்

உண்மையாய் காதலிக்கத்
தெரிந்த எனக்கு
உண்மையை காதலிக்கத்
தெரியவில்லை

-ஸ்ரீ சக்திப்ரியன்

Saturday, November 2, 2013

கனவு

கனவுக்குள் கனவு கண்டு
கலைந்தெழுந்தேன்
இன்னுமொரு
நீள் கனவு
கலையவேயில்லை
விழிக்காததால்

-ஸ்ரீ சக்திப்ரியன்

Monday, October 7, 2013

சரணம்

உன்னை சரணடைய
என்னால் இயலுமா
இறைவா!

நானற்று வீழ்ந்தபின்
நீயுமில்லை;
எப்போதும் இருக்கும்
அன்பருளை தவிர

அங்கே
சரணம் என்பதேது
தருணம் என்பதேது

- ஸ்ரீ சக்திப்ரியன்

Saturday, June 29, 2013

இதுவும் கடந்து போகுமென….




துன்பம் வந்த போது
இதுவும் கடந்து போகுமென எண்ணினேன்.
விளைந்த பக்குவத்தால்
இன்பம் வந்த போதும்
இதுவும் கடந்து போகுமென எண்ணினேன்.

கடந்து போனதெல்லாம்
மறைந்து போகவில்லை – அதன்
பாதச்சுவட்டை ஆழப்
பதித்துவிட்டே போயுள்ளது.

இருப்பிற்கும்
இறப்பிற்கும்
முன்னும் பின்னும்
கடக்க காத்திருப்பவைகள் என்னவோ?

கடப்பது நில்லாது
காண்பதும் நில்லாது

கடப்பதை காணுபவன் எவனோ
அவனைக்
கண்டுவிட்டால்
கடப்பதற்கு ஏதுமில்லை
காண்பதற்கும் ஏதுமில்லை

-   ஸ்ரீசக்திப்ரியன்