தனிமை

தனிமைப்படுத்துகிறாயா?

அல்லது

தனிமைப்பட்டுக் கொள்கிறாயா?

தனித்திருப்பது தனிமையா?

தன்னில் தன்மை எனும்

உண்மையில் உறைவது தனிமையா?

தனிமையால் தெளிவு வருமா?

அல்லது

தெளிவு தனிமையைத் தருமா?

தனிமை தவமா?

தனிமையில் தவமா?

தனித்தல் தவமா?

தனித்து பிறக்கிறோம்

தனித்து இறக்கிறோம்-நடுவே

தவிப்பில் இருக்கிறோம்.

அன்றி

தனிப்பில் இருக்கிறோமா?

எல்லாரிலும் விலகுவதா தனிமை?

அல்லது

எல்லாமாய் இருப்பதா தனிமை?

உண்மை தனிமையில் உள்ளதா?

உண்மையில் தனிமை உள்ளதா?

-ஸ்ரீ சக்திப்ரியன்