வெளிச்சம்

பௌதீக பயனெல்லாம்
பிறர்க்காகவே....

தன் நிழலில்
தான் படுத்து
உறங்கியவர்
உண்டோ!

ஓம் நமோ பகவதே ஸ்ரீ ரமணாய

உலகின் ஒரே சிறந்த கேள்வி
“நான் யார்?”
உலகின் ஒரே சிறந்த பதில்
“நான் யாருமில்லை!”

நான் யாருமில்லை என்றானதினால்
நானே எல்லாமும் ஆகினேன்

நான் யாருமில்லை என்பதற்கும்
நானே எல்லாமும் என்பதற்கும்
இடையில்
ஞானத்தின் மீது கட்டிய
பாலமாக உள்ளான்
குரு ரமணன்

ஓம் நமோ பகவதே ஸ்ரீ ரமணாய

கனவு

வாழ்வில் கனவு
வாழ்க்கைக் கனவு
வாழ்வே கனவு

- ஸ்ரீ சக்திப்ரியன்

பூரணம்

தேடினேன் தொலைந்து போன
என்னை எங்கெங்கும்
காணேன் திகைத்தேன்
நாடினேன் இறைவனை
நழுவினான்
ஓடினேன் குருவிடம்
ஓடினார் எனைவிட்டு
களைத்து ஓய்ந்து
இருந்தேன்
இருப்பதையெல்லாம்
தொலைப்பாயென
அசரீரி கூறியது

பற்றாய் கிடந்த
பாவ புண்ணியமெல்லாம்
அற்றுப் போக அத்தனையும்
தொலத்தேன்
ஆச்சரியம்! ஆச்சரியம்! ஆச்சரியம்!

தேடின, தேவன்
ஓடின குரு அத்தனையும்
நான்! நான்! நான்!

சேர்த்ததோ சேர்ந்ததோ ஏதுமில்லை
தொலைத்ததோ தொலைந்ததோ ஏதுமில்லை

முழுமையே எங்கெங்கும்

-ஸ்ரீ சக்திப்ரியன்

தேடல்

தேடினேன் கிடைத்தது
தேடினேன் கிடைக்கவில்லை
கிட்டியதற்கும் கிட்டாததற்கும்
இடைவெளி ஏதுமில்லை
இரண்டும் என்னுள்ளேயே
பூ பார்க்க தலை மறைந்து
தலைப் பார்க்க பூ மறைவது போல்
புரிந்தது
தேடலின் முடிவு
கனவில் தோன்றும் நிஜம்
நிஜத்தில் தோன்றும் கனவு

- ஸ்ரீ சக்திப்ரியன்

ராம நாம மகிமை

ஸ்ரீ ராம ராம ராமேதி ரமே ராமே மனோரமே

ஸஹஸ்ரநாம தத்துல்யம் ராம நாம வராணனே!

ராம:                   ராம நாமம்
ராமேதி:                ராம + இத் = ராமனால்
ரமே:                   வசீகரிப்பது
ராமே:                  ராமனில்
மனோரமே:             மனதை வசீகரிப்பது
ஸஹஸ்ரநாமம்:        விஷ்ணுவின் ஆயிரம் நாமங்கள்
தத்துல்யம்:             சமானமானது
ராம நாம வராணனே:   உயரந்த ராம நாமமே

ராமனால் ராமனில் வசீகரிப்பது ராம நாமமே
இந்த ராம நாமமே விஷ்ணுவின் ஆயிரம் நாமங்களுக்கு சமானமானது.

நாணம்

எல்லா தடைகளையும்
கடந்து வந்துவிடுவேன்
உன்னையடைய

என்னை தாண்டித்தான்
வர இயலவில்லை

- ஸ்ரீ சக்திப்ரியன்