பூரணம்

தேடினேன் தொலைந்து போன
என்னை எங்கெங்கும்
காணேன் திகைத்தேன்
நாடினேன் இறைவனை
நழுவினான்
ஓடினேன் குருவிடம்
ஓடினார் எனைவிட்டு
களைத்து ஓய்ந்து
இருந்தேன்
இருப்பதையெல்லாம்
தொலைப்பாயென
அசரீரி கூறியது

பற்றாய் கிடந்த
பாவ புண்ணியமெல்லாம்
அற்றுப் போக அத்தனையும்
தொலத்தேன்
ஆச்சரியம்! ஆச்சரியம்! ஆச்சரியம்!

தேடின, தேவன்
ஓடின குரு அத்தனையும்
நான்! நான்! நான்!

சேர்த்ததோ சேர்ந்ததோ ஏதுமில்லை
தொலைத்ததோ தொலைந்ததோ ஏதுமில்லை

முழுமையே எங்கெங்கும்

-ஸ்ரீ சக்திப்ரியன்