கருத்தும் கருத்தும்
கலந்து உண்டாகி
விழுந்த விதை
அது
ஆசை பூமியின் முகட்டை பிளந்து
உள்ள வெளியில்
தளிராய் துளிர்த்து
செடியாய் வளர்ந்து
உறுதி கொண்டு
கிளைகள் விரித்து
பருவம் எய்தி அடர்த்தியாய்
பச்சை மேலாடை போர்த்தி
மேலும் உறுதியாய்
மரமாய் வளர்ந்து நிற்குதடீ!
இயற்கை சீற்றத்தினாலோ
பருவ மாற்றத்தினாலோ
வேர் தளர்ந்து வீழ்வதன் முன்னம்
நீ
ஒரே ஒரு முறையேனும்
அதன் நிழலில் வந்து
இளைப்பாறிவிட்டுச் செல்லேன்.
-சக்திப்ரியன்
